Улаанбаатар 1c

Оффшор бүсэд данстай нэр бүхий 23 хүнийг шалгаж байна

Sergelen 2017-08-08 09:26

Энэ дагуу Ерөнхийлөгч Х.Баттулга хууль, хяналтын байгууллагуудад 49 хоногийн хугацаа өгч, асуудлыг яаралтай хэлэлцэж, хуулийн хүрээнд шийдвэрлэхийг үүрэг болгосон билээ. 

Иймд Авлигатай тэмцэх газрын Мөрдөн шалгах хэлт­сээс “Монгол Улсын төрийн албанд ажиллаж байсан болон одоо ажиллаж байгаа нэр бүхий 23 иргэн оффшор бүсэд данс эзэмшдэг болох нь тогтоогдсон, ХАСХОМ-ын мэдүүлэгтээ оффшор бүс дэх дансны талаарх мэдээллээ тусгаж мэдүүлээгүй, өөрийн хөрөнгө, орлого их хэмжээгээр нэмэгдсэнийг хууль ёсны болохыг тайлбарлаж чадаагүй” гэх хэрэгт Эрүүгийн хуулийн тусгай ангийн 22.10 дугаар зүйлийн 2 дахь хэсгээр хэрэг бүртгэлтийн хэрэг нээн шалгаж эхэлсэн байна. 

Улсын Ерөнхий проку­ро­­рын газраас дээрх хэргийг мөрдөн шалгах хэд хэдэн байгууллага шалгах шаардла­гатай гэж үзэн Авлигатай тэмцэх газрын Мөрдөн шалгах хэлтэс, Цагдаагийн Ерөнхий газрын Эрүүгийн цагдаагийн албаны мөрдөгчдийн хамтарсан аж­лын хэсэг томилсон тогтоол гаргаж, хэрэгт мөрдөн шалгах ажиллагааг хамтран явуулахыг дээрх байгууллагуудад даалга­жээ. Ингэснээр олон нийтийг төөрөгдөл, бухимдалд оруулж буй уг асуудал дээрх 49 хоногийн хугацаанд тодорхой болж, нэр бүхий 23 албан тушаалтныг ил тод зарлах боломж бүрдэх бололтой. 
 

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Нийтлэлчид