Улаанбаатар 1c

Монгол охин Японд түрүүллээ

NPost.mn
2019-11-25 14:31

Чөлөөт бөхийн Бүх Японы өсвөр үеийн аварга шалгаруулах тэмцээн өнгөрөгч амралтын өдрүүдээр /2019.11.23-24/ болж, Япон улсын 181 сургууль болон клубын 611 тамирчин өрсөлдсөнөөс -58 кг-д өсвөр үеийн УАШТ-ний аварга, ДАШТ, Азийн аваргад оролцож байсан туршлагатай, өдгөө Япон улсын Ичиши клубт хичээллэж буй 15 настай монгол охин Б. Хулан тав ялж , Бүх Японы аварга боллоо. Ингэснээр тэрбээр бүх Японы аваргад хоёр жил дараалан түрүүллээ. Мөн түүний төрсөн дүү Б. Халиун нь энэхүү тэмцээний -54 кг-д шилдэг наймд шалгарчээ.

Түүний хичээллэж буй Ичиши клуб нь олимпийн гурав, дэлхийн 13 удаагийн аварга Саори Ёшидагийн төрсөн ах Хидёотоши Ёшидагийн удирдага дор байдаг ажээ.

Эх сурвалж: Mongolian Wrestling Federation

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Нийтлэлчид