Улаанбаатар 1c

Александр Новак: "Сибирийн хүч-2" хоолойг Монголоор дайруулах эсэхийг Хятадын талтай хэлэлцэж, шийднэ

"Сибирийн хүч-2" хийн хоолойг Монгол Улсын нутаг дэвсгэрээр дамжуулах нь үр ашигтай эсэх талаар Орос, Хятадын тал хэлэлцэж, үнэлнэ гэж ОХУ-ын Эрчим хүчний сайд Александр Новак онцолжээ. Тэрбээр  “Монголоор дайруулах нь баруун чиглэлээр Хятад руу хий нийлүүлэх нэг хувилбар юм. Монгол Улс энэ төслийг ихэд сонирхож байгаа. ОХУ-аас Хятад руу нийлүүлэх байгалийн хийн хоолойг Монголын газар нутгаар дамжуулах боломжийг судлах үнэлгээний ажлыг манай талаас эхлүүлсэн” хэмээжээ. Хятад руу нийлүүлэх хийн хоолойг Монгол Улсаар дамжуулах саналыг манай улс хэдэнтээ гаргаж, Оросын тал ч энэ хувилбарыг судалж үзэхээ амласан билээ. Оросын хийг Хятад руу нийлүүлэх "баруун чиглэл" нь жилд 30 тэрбум куб метр хий дамжуулна гэсэн  урьдчилсан судалгаа бий.

Эх сурвалж: https://tass.com/economy/1118353

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл байхгүй байна

Нийтлэлчид