Улаанбаатар 1c

Галт хэрэгслийн сум дэлбэрч зургаан настай хоёр хүү өртөж, нэг нь амиа алджээ

Дорнод аймгийн төв Хэрлэн сумын VIII багийн Цантын хүр гэдэг газарт оршин суудаг Б-гийн гэрийн гадаа сум дэлбэрч зургаан настай хоёр хүүгийн нэг нь нас барж, нөгөөх нь хүнд гэмтсэн байна. Мөн тухайн үед гэртээ байсан 12 настай охин нуруундаа шархаджээ.

Үүнтэй холбоотойгоор тус аймгийн Цагдаагийн газраас Засаг дарга М.Бадамсүрэнд хандан холбогдох арга хэмжээ авхуулах саналаа албан бичгээр илэрхийлсэн байна. Улмаар ЗХЖШ-аас томилогдсон хайгуул, устгалын тусгай бүлгийнхэн Дорнодод ажиллаж, Хэрлэн сумын V багийн нутаг, Өгөөмөр гэх газраас цэргийн зориулалттай, 13 нэр төрлийн 176 ширхэг тэсэрч дэлбэрэх сум, галт хэрэгсэл илрүүлж, аюулгүй болгох ажиллагааг цагдаагийн ажилтнуудтай хамтран зохих журмын дагуу гүйцэтгэжээ.й

Тодруулбал, Дорнод аймгийн Засаг даргын захирамжаар тус аймгийн нутаг дэвсгэрт сум, галт хэрэгслийн хайгуул, устгалын бүлэг ажиллаж их хэмжээний сум, галт хэрэгсэл илрүүлсэн тухай бид өмнө нь мэдээлж байсан. Тэгвэл тус арга хэмжээ нь гурван хүүхэд суманд өртөж, амь нас эрүүл мэндээрээ хохирсон үйл явдалтай холбогдуулж дээрх арга хэмжээг авч байжээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Uncle
    Ene zevsguud dainy uyed hereglegdej bgaad hayagdsan gsn ug uu?
    2020 оны 06 сарын 03 | Хариулах
Нийтлэлчид